Rüumig - was isch das genau?
Bi ere Rüümig wird en ganze Huushalt, seg das e Wohnig oder es Huus, gleert. Mer rüümt quasi de ganzi Huushalt oder die ganzi Firma leer, biispielswiise zum die uuflöse, oder zum die Rüümlichkeite abzgeh. Oft wird au nach eme Todesfall e Rüümig benötigt, well (grad bi alleistehende Persone) s Domizil dänn ja nüme bruucht wird. Mer ruumt au Immobilie, wo abgrisse oder umbaut werde söll.
De Unterschied zwüsched ere Entrümpelig und ere Rüümig isch vielne Mensche ebenfalls nöd bewusst. Bi ere Rüümig wird alles usem besagte Huus oder us de Wohnig entfernt, dass die leer zruggbliibt. Bi ere Entrümpelig degäge passiert das nur mit eme Teil vom Hausrat. Sie gsehnd also, Rüümige sind sowohl alltäglich wie au dringend nötig – es chan leider immer sii, dass es en Grund für e Rüümig giit.
Wohnungsräumungen
Bimene Umzug ine chlineri Wohnig oder ines Pflägheim bliibt oft en Teil vom eigene Hab und Guet ide alte Wohnig zrugg. Well de Vermieter d Wohnig wieder entgägeneh will, bruuchts meischtens e Wohnigsrüümig. Das isch oft mit viel Stress verbunde, aber das muen nöd sii! Mier arbeited schnäll und speditiv für sie, dass sie sich bald wieder anderne Sache widme chönnd. Falls ihne ihre Vermieter e Abgabefrist gstellt hät, säged sie ois das ruhig – mier hälfed ihne, die iizhalte.
Mier büüted ebefalls Reinigunge mit Abgabegarantie direkt im Aaschluss – sie müend sich kei Sorge um ihres Mietzinsdepot mache. Die Möbel, wo sie nüme wännd, werded vo ois entrümplet und entweder gspändet oder am Recycling zuegfüehrt. Ois sind nämli nöd nur oisi Chunde, sondern au d Umwält wichtig.
Huusrüümige
Jedi Huusrüümig isch anderscht. Mängisch staht hinter ere Huusrüümig en Todesfall oder en Umzug is Pflägheim, i andere Fäll viellicht e Uuswanderig oder en Neuaafang. Ois isch wichtig, dass trotzdem jedi Huusrüümig gliich ändet; mit zfriedene Chunde und eme beserein gruumte Huus. Grad bi Einfamiliehüüser isch natürlich viel meh Wohnflächi vorhande wie inere Wohnig, mer dörf also au mit grösserem Uufwand rächne. Oises zueverlässige und professionelle Team bringt d Rüümig trotzdem schnäll und zueverlässig über d Bühne.
Messiewohnige ruume
Mänchi Berge schiined z höch, zum sie allei z bestiige. D Wohnig isch voller Unrat und Sperrmüll, Ordnig isch es Fremdwort, und de Bode isch oft durch de ganzi Abfall chum meh z gseh. So z läbe isch ned nur deprimierend, sondern chan au ernschthafti Risike für d Gsundheit vom Mieter darstelle. Kei Angscht; mit ois isch kein Berg z höch. Bitte mäldet sie sich doch bi ois, dass mier zämme en Überblick über d Situation bechömed und für sie die bescht Lösig finde chönnd.
Wiiteri Dienschtleischtige:
- Huushaltsuuflösig sowie Wohnigsuuflösig
- Entrümpelig
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.