Oisi Containerlager für sie au vor Ort
Oisi Container sind oisi wohl gröschti Lagerlösig. Keis Wunder also, dass mier so viel begeischtereti Mieter händ! Lagered sie ihre Huusrat doch i einem vo eusne Container ii. Mier büüted nöd nur Container i verschiedene Grössene aa, sondern au Chüehlcontainer sowie s „Lagere vor Ort“ – Oisi Lagercontainer bi ihne dihei.
Mier chömed entweder diräkt zu ihne, dass sie ihre Container in Rueh bi sich dihei belade chönnd, oder beladed ihre Container direkt bi ois im Lager. So oder so, sie händ d Kontrolle drüber, wie mier lagered. Nachem Belade vom Container wird de i ihrem Biisii plombiert. Das heisst spezifisch, dass mier i ihrere Aaweseheit de Container mitere Metallplombe verschlüssed, wo e einzigartigi Nummere hät. So chönnd sie sich sicher sii, dass nur i ihrem Biisii i ihre Container gluegt wird. Mier chönnd natürlich au immer no wiiteri Gägeständ dezue iilagere oder uuslagere, wie sie wünsched. Sie chönnd natürlich au jederziit ihre Container bsueche – Lüüted sie eifach churz aa! Mier nähmed ois gern die Ziit für Sie.
Well oisi Container sowohl Lager- wie au Transportbehälter sind, spared mier ois de Arbeitsschritt vom Umruume. Ebefalls zahled sie bi ois uf de Tag genau die Ziit, wo sie de Container effektiv mieted. So chönnd sie ihre Container so lang lagere, wies ihne passt.
Containerlager i flexible Grössene
Mier händ drüü verschiedeni Grössene a Container, dass jede bi ois de für ihn richtigi Container findet. Alli oisi Container sind troche und qualitativ hochwertig, d Grössi isch also de einzig Unterschied.
Smartcontainer 17m³
Zum eine hätted mier oisi 17 m³ grosse Smartcontainer. Die händ e Höchi vo 2.39 Meter, e Breiti vo 2.35 Meter und e Längi vo 2.95 Meter.
De Container wird speziell gern gmieted vo Chunde, wo ihri Möbel iilagere wännd. Oisi Smartcontainer i dere Grössi händ öppe s Fassigsvermöge vomene chliine Zimmer, und sind demit au für en chliine Huusrat guet g’eignet.
Zum sich das genauer vorstelle chöne: Das Volume entspricht biispielswiis 144 Universal-Umzugschistene, wie mer rechts gseh chan. Natürlich helfed ihne oisi Lageriste debii, ihres Umzugsguet so effektiv wie möglich iizbringe, dass sie so viel Platz spared wie nur möglich.
Smartcontainer 24m³
S Schöne a oise Smartcontainer? D Grössi isch flexibel. Oisi Smartcontainer händ nämlich uf beide Siitene e Tür, und dezwüsched e Trännwand. Falls Sie jetzt also biispielswiis ihri Möbel iilagere wännd, aber genau wüssed, dass es nie im Läbe 33 m³ Volume sind, wäri de Smartcontainer für sie s Richtige. S Containervolume chan dänn halbiert oder drittlet werde, wobii die anderi Siite vom Container a en andere Chund vermietet werde chan. Die Trännwand chan mer verstelle, sie bechömed also tatsächlich genau das Volume, wo für sie passt.
Die Container chönnd leider nöd bi ihne vor Ort glageret werde, well ja nur d Hälfti devo durch sie gmietet wird – defür händ sie e uf sich massgschniidereti Lagerlösig. Sälbschtverständlich werded au d Türe vo so eme Container i ihrere Aaweseheit plombiert, dass sie au da die gliichi Sicherheit händ wie bi Smartcontainer. Ebefalls isch ihri Siite vom Container nöd vo de andere Siite uus zuegänglich.
Smartcontainer 33m³
Oisi grössti Lagerlösig sind oisi 33 m³ grosse Container. Die händ e Höchi vo 2.39 Meter, e Breiti vo 2.35 Meter und e Längi vo 5.89 Meter. I ein söttige Container passt guet dopplet soviel wie i oise chliine Smartcontainer – das chönnti biispielswiis en ganze Huusrat sii, oder alli ihri Möbel! Falls sie meh Volume bruuched, gaht das ganz eifach; Sie mieted no en zweite Container dezue!
Im Zwiifelsfall chönnd sie sich selbstverständlich eifach bi ois melde und sich berate lah. Mier hälfed ihne gern debii, für sie die richtigi Lagerflächi z finde!
D' Do's und Don'ts vom Containerlager
- Bitte tüend sie kei brand- oder explosionsgfährlichi Stoff iilagere, und bitte au kei giftigi oder ätzendi Stöff.
- Pflanzene und Läbewese bitte au nöd iilagere - i somene Container isch leider nöd gnueg frischi Luft.
- Sondermüll und Abfallstöff sowie sämtlichi Sucht- und Läbensmittel ghöred nöd inen Container.
- Bargäld, Wertpapier und Edelmetall dörf mer au nöd iilagere.
- Alles wommer jetzt nöd uufgfüehrt händ dörfed sie gern iilagere!
Hämmer ihres Interesse gweckt? Mäldet sie sich bi ois, mier berated sie gern individuell.
Containerlager vor de Huustür
Sie händ einiges a Lagerguet, wo sie gern iilagere wännd? Oder sie wännd eifach gern die zuesätzlichi Sicherheit, wo en Container büüted? Nähmed sie mit ois Kontakt uuf, dass mier ihne hälfe chönnd, für sie die richtig Lagerlösig z finde!
Wiiteri Dienschtleischtige
- Huushaltsuuflösig sowie Wohnigsuuflösig
- Entrümpelig
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.