Lagerruum miete - Lagered sie bi ois!
Wänn sie es bitzli meh Platz i ihrem Dihei bruuched, aber nöd dezue bereit sind, sich vo ihrne Möbel z tränne, dänn sind sie nöd allei. Vieli Mänsche findeds schwer, sich vo sentimental wichtige Gägeständ z tränne, aber mit ois müend sie das jetzt nüme. Mier lagered so guet wie alles für so lang, wie sie wännd. Bi ois händ sie jederziit Zuegriff uf ihres Lagerguet – fascht, als segs bi ihne dihei. Während oisne Öffnigsziite sind sie bi ois jederziit willkomme. Vergässed sie Wasserschäde oder Ungeziefer, bi ois sind ihri Ware sicher. Mier büüted ihne de Platz, wo sie bruuched. Egal, öb sie nur en Schrank oder grad die ganz Wohnig iilagere wännd, bi ois giits immer e Lösig. Sie entscheided, wie lang sie bi ois lagere wännd. Sälbschtverständlich sind mier au churzfrischtig für sie da!
Lagerruum zur Mieti
Mier büüted ihne verschiedeni Lagerlösige, je nachdem, was ihri Bedürfnis sind. Für die eher bescheidene Lagermängene büüted mier Palettene und die dezueghörige Lagerplätz aa. Mier händ Corlettene zur Verfüegig für Möbelstück oder echli grösseri Waremängene, und büüted für die ganz grosse Lagermängene au Container aa. Die hämmer i verschiedene Grössene, und mer chan sie sogar bi sich dihei lagere! So händ sie jederziit Zuegriff uf ihri War, und profitiered vo meh Flächi.
Mier büüted e wiiti Reihe a Dienschtleischtige aa, vom Do-It-Yourself-Service, wo sie sälber chönnd mit aapacke, bis zum Full Service, bi dem mier ihne die ganz Arbeit abnähmed. Egal, für was sie sich am Schluss entscheided, mier garantiered ihne de beschtmöglichscht Schutz und en professionelle und riibigslose Ablauf.
Wieso lagere?
Sie wännd ihri Möbel nöd entsorge, aber bruuched trotzdem meh Platz im Eigeheim? Lagered sie doch eifach bi ois! Oises Lager befindet sich in zentraler Lag in Züri, und isch sowohl an öffentliche Verchehr wie au an Strasseverchehr guet aagschlosse. Bi ois profitiered sie nöd nur vo oiserer Lagerflächi, sondern au vo oisem Know-How. Mier palettiered, lagered und schützed ihres Lagerguet, dass nöd emal Staub uf ihri Möbel cho chan. Sie profitiered ebefalls devo, dass oises Lager videoüberwacht und temperiert isch. Ihri Möbel werded ohni ihres Biisii au nöd uusglageret, da ois Diskretion wichtig isch.
Oisi Lagerarte im Überblick
Mier büüted ihne verschiedeni Arte vo Lagerplätz, je nach ihrne Bedürfnis. Für chliini Lagermengene optimal sind oisi Palettelager. Jedi Palette fasst 1 Kubikmeter a Volume, also in öppe 10 Umzugskartons. Oises Team hilft ihne gern debii, ihri War z palettiere und z schütze.
Für grösseri Mängene a Lagerguet einiged sich oisi Corlettene sehr guet. Mit eme Fassigsvermöge vo öppe 6 Kubikmeter finded da einzelni Möbelstück guet Platz, zum Biispiel es Sofa mit Teppich, Stüehl und eme Tisch. Wänn sie also viellicht nur de Inhalt vomene Zimmer iilagere wännd, chönnti das die richtig Lösig für Sie sii.
Für diejenige, wo en ganze Huusrat iilagere wännd, büüted mier au Container zum Vermiete aa. Die händ – je nach Grössi – es Fassigsvolume vo bis zu 33 Kubikmeter. Ihre Huusrat wird i ihrem Biisii iiglageret und versieglet, sodass mier ihne e sicheri Handhabig garantiere chönnd.
Oisi Container sind au i dem Sinn mietbar, dass mier sie nöd nur i oisem Lager, sondern au i ihrem Garte oder Innehof platziere chönnd. Sie händ so ihres Lager diräkt vor de Huustür, was ihne natürli einiges a Wäg spart.
Möbellager
Sie wännd nur mal ihri Möbel usem Wäg haa zum churzfrischtig chöne renoviere? Oder sie händ grad e schicki neui Couch kauft, aber händ bis zum plante Umzug imene halbe Jahr no kein Platz defür? Lagered sie ihri Möbel bi ois!
D Vorteil vo oisem Lager
- Ihres Lagerguet wird sicher vo Staub und anderne Umweltiiflüss verpackt und iiglageret.
- Mier büüted Paletteplätz, Corlettene, und verschiedeni Arte vo Container zur Mieti.
- Sie chönnd so lang lagere, wie es ihne passt. Verrechnet wird nach effektivem Uufwand!
- Mier begrenzed sie nöd im Volume, wo sie bi ois iilagered - so viel sie wännd für so lang, wie sie wännd!
- Bi ois derfed sie so guet wie alles iilagere, mit nur wenige Uusnahme.
Händ sie Lagerbedarf? Rüefed sie ois aa und lönd sie sich vo ois berate!
Wiiteri Dienschtleischtige:
- Huushaltsuuflösig sowie Wohnigsuuflösig
- Entrümpelig
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.