Huushaltsuuflösig für ihri Altmöbel
E Huushaltsuuflösig umfasst ide Regle de Verchauf oder d Abgab vom Eigeheim, sowie e Entrümpelig oder en Umzug. Vieli Lüüt entrümpled au en Teil vom Huus und ziehnd dänn mitem Rescht um.
Die am beschte erhaltene Möbel werded debii oft verchauft oder a Fremdi wiitergeh. Aber was passiert mit de nöd ganz eso guet erhaltene Möbel? Werded sie gspändet, oder diräkt entsorgt? Und wie söll mer dänn überhaupt binere Wohnigsuuflösig vorgah? Mached sie sich kei Sorge, mier sind für sie da. Oises professionelle und erfahrene Team weiss, wie mer am beschte e Huushaltsuuflösig navigiert, und staht ihne mit Rat und Tat zur Siite.
Die wichtigscht Frag isch normalerwiis, was dänn überhaupt entrümplet werde söll. Viellicht wüssed sie scho ganz genau, was sie gern bhalte wännd, und viellicht müend sie sich no Gedanke mache. Chömed sie uf ois zue, mier begleited sie gern durch die Entscheidige.
Und falls sie grad au gern no e Reinigung mit Abgabegarantie für ihres Huus wännd, sind sie bi ois goldrichtig. Bi ois bechömed sie über ei Schnittstell s ganze Paket – Entrümpelig, Lagerig und Reinigung. Ganz nach ihrne Wünsch.
Huushaltsrüümig mit ois
Für ois sind kei zwei Huushaltsrüümige gliich. Allei scho devo abgseh, dass jede Huusrat anderscht isch, hät natürlich au jede Chund anderi Bedürfnis. Viellicht wännd sie nur en Teil vo ihrem Huushalt entrümple, well en Teil vode Bewohner im Huus bliibt? Oder viellicht wännd sie e totali Huusrüümig, bi dere s ganze Huus gleert wird. So oder so, e Huushaltsrüümig chan öppis sehr Schönes und Befreiends sii. Oises Ziel isch es, ihne d Arbeit abzneh, dass sie sich nur no ufs Endresultat freue chönnd.
Wänn sie mit ois e Huushaltsrüümig oder e Huushaltsuuflösig mached, dänn händ sie bi ois e persönlichi Kontaktperson. Mit dere bespräched sie ihri Wünsch und Ziel für d Huushaltsrüümig, sodass die betreffendi Person dänn alles für sie i’d Wäg leite chan. Da sie eso nur ei Schnittstell händ, müend sie nöd etliche verschiedene Persone immer wieder s Gliiche säge, sondern chönd einfach eimal bi ois aalüte und ihri Wünsch mitteile. Ebefalls reded sie dänn immer mit de Person, wo alli Informatione zu ihrere Huushaltsrüümig hät – eifacher gahts nöd!
Entrümpelig binere Huushaltsuuflösig
Binere Huushaltsuuflösig giits natürlich viel meh zum Entrümple wie binere Wohnigsentrümpelig. Oft ghöred e Garage, en Chäller oder en Garte mit dezue; s blosse Volume isch für Vieli scho z viel. Speziell für Privatpersone chans überfordernd, wänn nöd unmöglich sii, es ganzes Huus z entrümple.
Entsorge nach de Entrümpelig
Binere Huushaltsuuflösig oder eme Umzug merkt mer oft, wieviel Möbel mer nüme bruucht oder wieviel unnötigi Chischtene voller Papiermüll mer im Chäller stah hät. Wieso also nöd d Glägeheit ergriife und zum Neustart ide noie Bliibi die ganze Altlaschte entsorge? Mier chömed bi ihne verbii und holed alles ab, was sie nüme wännd. Devo wird so viel wie möglich recyclet.
Lagerplätz und Lagermieti
Wänn sie bitzli meh Platz i ihrem Dihei bruuched, aber nöd dezue bereit sind, sich vo ihrne Möbel z tränne, dänn sind sie nöd ällei. Vieli Mänsche findeds schwer, sich vo sentimental wichtige Gägeständ z tränne, aber mit ois müend sie das jetzt nüme. Mier lagered so guet wie alles für so lang, wie sie wännd.
Wiiteri Dienschtleischtige:
- Wohnigsuuflösig
- Entrümpelig
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.