Chliini Lagerplätz für grossi Möglichkeite!
Wänn sie echli meh Platz i ihrem Dihei bruuched, aber nonig dezue bereit sind, sich vo ihrne Möbel z tränne, dänn sind sie nöd ellei. Vieli Mänsche findeds schwer, sich vo sentimental wichtige Gägeschtänd z tränne, aber mit ois müend sie das jetzt nüme. Mier lagered so guet wie alles für so lang, wie sie wännd.
Oisi Palettene entspräched alli de EPAL-Kriterie, heisst sie sind gnormt und unter de Iihaltig vode Richtlinie hergschtellt worde. Sie sind wältwiit über Gränzene sicher, gwährleischted durch ihre höchi Qualitätsstandart optimali Arbeitssicherheit, und garantiered en riibigslose Transport. Mer chan e söttigi Palette mit eme 4 Tonne schwere Gabelstapler überfahre, und sie bliibt ganz. Natürlich händ alli Europalettene au die gliiche Masse, was s schaffe mit ihne zimli erliechtered.
Palettene im Lager
Sobald sie ois ihri Lagerwar für en Paletteplatz verbiibringed, wird sie vo ois palettiert. Dadebi wird d Lagerwar optimal uf einere oder mehrere Palettene gstaplet, mit Schrumpffolie iipackt, und mit ihrem Name undem Iilagerigsdatum aagschriebe. Dete bliibt sie dänn, bis sie sie wieder uuslagere wännd.
Palette sind nöd nur e sehr handlichi Lagerlösig, sondern au einfach zum transportiere. Mit eme Paletterolli chönnd sie einfach verschobe werde. Leeri Palette sind stapelbar, und au die beladene Palettene lönd sich i Hochlager staple!
Bi ois händ sie jederziit Zuegriff uf ihres Lagerguet – fascht so, als segs bi ihne dihei. Innerhalb vo oisne Öffnigsziite sind sie da jederziit willkomme. Vergässed sie Wasserschäde oder Ungeziefer, bi ois sind ihri Sache sicher. Mier büted ihne de Platz, wo sie bruuched. Egal öb sie nur en Schrank oder grad die ganz Wohnig iilagere wännd, bi ois giits immer e Lösig. Sie entscheided, wie lang sie bi ois lagere wännd. Sälbschtverständlich sind mier au churzfrischtig für sie da!
S Wichtigschte ide Chürzi
- Oisi Palettene händ d Standartmasse vo 80 Zentimeter uf 120 Zentimeter, mit ere maximale Lagerhöhi vo 160 Zentimeter.
- Ihres Lagerguet wird vo ois palettiert und mit Schutzmaterial (wie biispielswiis Schrumpffolie) optimal verpackt.
- Mier begränzed sie weder ide Aazahl Palettene, wo sie ufs Mal miete chönnd, no ide Mietlängi. Sie allei bestimmed, wie lang sie bi ois lagere wännd.
- Sie chönnd ois ihres Lagerguet verbiibringe, oder mier chömed verbii und holeds für sie. Was immer ihne lieber isch!
- E Europalette chan guet 1000 Kilogramm punktuelli Belaschtig träge, und bi gliichmässiger Verteilig sogar bis zu 1'500 Kilogramm! Us Sicherheitsgründ liiht oisi Gränze aber bi 500 Kilogramm.
- Ihri Palettene werded sicher vor de Witterig und andere Umwältiiflüss glageret. Oisi Lagerhalle isch sogar videoüberwacht!
Und falls sie nöd sicher sind, wieviel Lagerflächi sie bruuched, melded sie sich eifach! Mier hälfed ihned gern debii, ihres Volume z berächne.
Lagered sie bi ois!
Sie wännd en Paletteplatz miete und ihres Eigetum bi ois iilagere? Chömed sie jetzt uf ois zue! Mier finded die beschtmöglichi Lösig für sie.
Wiiteri Dienschtleischtige:
- Huushaltsuuflösig sowie Wohnigsuuflösig
- Entrümpelige
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.