Entsorgig und Recycling
Bi ere Entsorgig wird normalerwiis mindeschtens en Teil vom Unrat am Recycling zuegfüehrt. Recycling isch mittlerwiile wohlbekannt – wänn sie ihre Abfall tränned, hälfed sie scho debii, z recycle. Was vieli Mensche allerdings nöd wüssed isch, wie viel mer hüützutag recycle chan. Jede weiss, dass mer PET-Fläsche, Glasfläsche, Karton und Papier wiederverwerte chan, aber händ sie biispielswiis gwüsst, dass au Styropor, Kork und Aluminium wiiterverwertet werde chönnd? Da chömed mier is Spiel. Jedes Mal, wänn mier e Entsorgig vornähmed, füehred mier soviel wie nur möglich em Recycling zue. So leischted mier bi jedere Entsorgig oise Biitrag zu ere suubere Schwiiz und eme suubere Dihei für sie.
Entsorgig nach eme Umzug
Entsorgig nach eme Umzug
Wänn mer umzieht merkt mer oft, wieviel Möbel mer nüme bruucht oder wieviel unnötigi Chischtene voller Papiermüll mer im Chäller am umestah hät, au wänn mer sie weder bruuche chan no will. Wieso also nöd d Glägeheit ergriife und zum Neustart ide neue Bliibi die ganze Altlaschte entsorge?
Mier chömed bi ihne verbii und holed alles ab, was sie nüme bruuched. Sälbschtverständlich wännd mier no bruuchbari Möbel und anderi Iirichtigsgägeständ wo möglich schpände, und wänn das nöd gaht, tüemer alles, was gaht, recycle. Sie müend weder de Abfall i ihres Auto lade, no ade Entsorgigsstell ablade – für das sind mier da. Mälded sie sich bi ois und froied sie sich uf e entspannendi Entsorgig.
Entsorgig vo Sperrguet
Sie händ sich e neui Matratze zuetah, aber wüssed jetzt nöd, wo ane mit de alte? Oder händ sie d Nase voll vo ihnre alte Möbel, aber kei Kapazität, die sälber z entsorge? Für das sind mier da. Egal wie gross oder schwer ihres Lagerguet isch, mier entsorgeds für sie. Oises Team chunnt mit Lieferwäge, LKW’s oder Muldene zu ihne, zum ihres Sperrguet z entsorge.
Sofern möglich probiered mier natürlich, no bruuchbari Möbel a Stiftige wiiterzgeh. Nachhaltigkeit isch für ois es wichtigs Thema, well mier d Schwiiz zu eme suubere Ort mache wännd.
Entsorgig vom Cheller und Eschtrich
Ihre Chäller isch zum Platze voll, aber sie traued sich nöd zue, ihn sälber z ruume? Oder isch de Zuegang zu ihrem Eschtrich eifach zu steil für sie? Oisi Entsorgigsspezialischte stönd ihne hilfsbereit zur Verfüegig. Fröged sie ois unverbindlich aa, dass mier sie berate chönnd.
Für die meischte Mänsche isch de Chäller quasi nüt anderes als es Lager für die Sache, vo dene mer sich nöd tränne chan oder will. S Gliiche für de Eschtrich, nur händ hüt viel meh Mänsche en Chällerzuegang wie en Eschtrich. Ois isches egal, i wellem Ruum ihres Entsorgigsguet staht, mier macheds möglich.
Was chan mer recycle?
- Aluminium
- Batterie und Akkus
- CDs und DVDs
- Elektrogrät
- EPS (Styropor)
- Glas
- Karton und Papier
- Korke
- Kunschtstoff
- Metall
- PET-Getränkefläsche
- Sonderabfall
- Textilie und Schueh
Wiiteri Dienschtleischtige:
- Huushaltsuuflösig sowie Wohnigsuuflösig
- Entrümpelig
- Rüümige
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.