- info@hausraeumen.ch
- 079 344 27 88
- Rütistr. 16 8952 Schlieren
Rüüme. Entsorge. Lagere.
Kei Sorge bim Entsorge!
Firmeuuflösig und Firmerüümig
Mier büüted Firme- und Bürouuflösige sowie Aktevernichtig und Elektroschrottentsorgig.
- Bi oisne Firmeuuflösige gönd mier uf ihri individuelle Bedürfnis und ihri Infrastruktur ii
- Mier vernichted Akte professionell, zum de Datenschutz nöd z verletze
- Bi Handwerkerbetriib hälfed mier ihne, schweri Maschine und Ähnlichs loszwerde
- Au Elektroschrott aller Art wird vo ois entsorgt und recyclet
- Nach Wunsch kümmered mier ois au gern um ihri Ändreinigung für sie
Huushaltsuuflösig
Egal öb Wohnig oder Eigeheim, mier entrümpled und rüümed ihres Dihei!
- Mier entrümpled ihres Dihei professionell und speditiv, nach ihrne Wünsch
- Ebefalls ruumed mier gern ihre gsamti Huusrat, für en total unbeschwerte Neuaafang
- Mit ois sparen sie sich de Weg zude Entsorgig - mier transportiered ihres Sperrgut und Ihre Abfall und entsorged de au grad für sie
- De Abfall, wo mier entsorged, recycled mier natürlich wo möglich. Ebeso spänded mier uf ihre Wunsch no guet erhalteni Möbel a Stiftige
- Mier entrümpled au gern ihre Dachbode und Ihre Chäller
Lagerplätz
Egal öb churz- oder langfristig, mier händ bestimmt de richtig Lagerplatz für sie!
- Oisi Lagerhalle büüted uf mehrere Stockwerk trocheni und guet temperierti Lagerplätz
- Mier vermieted Container, sowohl in oisem Lager wie au bequem bi ihne dihei
- Bi ois sind sie jederziit willkomme; rüefed sie ois aa und chömed sie verbii
- Mier sind au gern churzfristig für sie da, für so lang, wie sie wännd
- Sie wüssed no nöd, wieviel Platz sie bruuched? Mier berated sie gern persönlich
Mier sind d Lösig für ihri Huushalts- / Firmeuuflösig!
Hinter jedere Rüümig und jedere Entsorgig steckt e Gschicht. Vielleicht wännd Sie en Tapetewächsel, oder einfach meh Platz? So oder so, mier sind für sie da. Mier rüümed Firmene, Wohnige, Hüüser und meh, und entsorgend auch grad für sie. Für oisi zaghaftere Chunde und diejenige, wo sich nonig vo ihrne Möbel tränne wännd, büüted mier au Lagerplätz aller Art; Bi ois lagered sie so lang, wie sie wännd. De Abschluss bilded oisi professionelli Ändreinigung, wo ihres Domizil wieder wie im noie Glanz erstrahle lah wird.
Huushaltsuuflösig
Sie fanged es neus Kapitel vo ihrem Läbe aa, aber müend sich no um ihre Huusrat kümmere? Mier ruumed ihres Huus oder ihri Wohnig, ganz nach ihrem Ziitplan.
Firmeuuflösig
Ihri Firma wird uufglöst, und sie wüssed nöd, was mit de Möbel passiere söll? Mier entrümpled Uuslaufmöbel, Akte, uusrangierti Elektrogrät und meh.
Reinigung
Bäserein isch ihne nöd suuber gnueg? Mier kümmered ois gern um ihri Ändreinigung. Egal öb nach eme Umzug oder nach ere Rüümig, mier verleihed gern ihrere Immobilie de letscht Schliff.
Lagerruum miete
Sie wännd meh Platz dihei, aber wännd ned grad alles entsorge? Lagered sie doch ihri Möbel eifach ii! Mier büüted verschiedeni attraktivi Lagerlösige, vom Paletteplatz bis zude Containermieti. Mit oisem "Lagere vor Ort"-Konzept chömmer oisi Container au zu ihne bringe!
Oisi Vorteil bim Ruume und Entsorge nach ere Huushaltsuuflösig / Firmeuuflösig
- Mier hend jahrelangi Erfahrig im Ruume, Entsorge und Lagere, und sind weg dem professionell und speditiv.
- Für ois stönd sie a erster Stell. Mier nehmed au gern Extrawünsch entgäge – au wenns nonig möglich isch, probiered mier, es möglich z mache.
- Umwältschutz isch eus sehr wichtig. Wo möglich recycled mier, was mier ruumed, und gänd no bruuchbari Möbel a Schtiftige wie zum Biischpiel Caritas wiiter. So leischted mier oise Teil zunere suubere Welt.
- Mier berated sie gern persönlich und wänn nötig vor Ort. Bi ois händ sie en persönliche Berater, wo sie vode Kontaktuufnahm bis hii zum Abschluss vom Uuftrag betreut und ihne alli offene Frage beantwortet.
- Mier sind flexibel und zueverlässig, rund umd Uhr. Dank oisem grosse Fuhrpark chömmer au grossi Uufträg erfolgriich über d Bühni bringe.
Händ sie Interesse? Schriibed sie eus oder lüüted sie eus aa, mier froied ois uf sie!
Lerned sie ois känne
Sie wännd wüsse, wer mier sind? Lerned sie jetzt oisi Firma besser känne!
Oisi Leischtige im Überblick
E Huushaltsuuflösig chan us de unterschiedlichste Gründ nötig sii. Ihri WG löst sich uuf, ihri Grosseltere wännd ines Pflägheim, oder e Beziehig gaht usenand. Für vieli verschiedeni Problem giits e Lösig, und zwar ois. Mier ruumed ihri Wohnig oder ihres Huus, diskret und professionell.
Expandiered sie ihri Firma und wächsled sie de Standort? Oder ziehnd sie sich usem Märt zrugg? So oder so, mier sind d Rüümigslösig, wo sie bruuched. Mier hälfed ihne debii, es neus Kapitel i ihrem Läbe uufzschlah, ganz ohni Altlaschte. Näb de Rüümig vo Möbel und Akte chönd mier sogar Tresor und anderi Schwertransport ruume, ganz nach ihrne Bedürfnis.
Nach Bedarf büüted mier au e Endreinigung, zum d Rüümlichkeite so zrugglah wie Sie sie vorgfunde händ. Oder viellicht wännd Sie nacheme Umzug gern ihres neui Domizil reinige? Mer bruucht eigentlich kein Grund, zum mit ere professionelle Reinigung echli Frischi in Alltag bringe welle.
Wänn Sie echli meh Platz i ihrem Dihei bruuched, aber nöd dezue bereit sind, sich vo ihrne Möbel z trenne, dänn sind sie nöd allei. Vieli Mänsche findeds schwer, sich vo sentimental wichtige Gägeständ z tränne, aber mit ois müend sie das jetzt nüme. Mier lagered so guet wie alles für so lang, wie sie wännd.
Bi ois händ sie jederziit Zuegriff uf ihres Lagerguet – fascht, als segs bi ihne dihei. Während oisne Öffnigsziite sind sie bi ois jederziit willkomme. Vergässed sie Wasserschäde oder Ungeziefer, bi ois sind ihri Ware sicher.
Anfrageformular: Ihre Entrümpelung in Zürich und Umgebung: Wir sind für Sie da.
Oisi Leischtige im Überblick
- Huushaltsuuflösig sowie Wohnigsuuflösig
- Entrümpelig
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.