Firmeuuflösige liecht gmacht

Binere Firmeuuflösig giits näbed Möbel und persönliche Gägeständ au oft chli komplizierteri Sache, wommer entrümple söll. Die meischte Firmene arbeited hützutag sehr starch mit Computer zämme, wommer als Elektroschrott nöd eifach in Müll schmeisse chan. Zu dere Kategorie ghöred natürlich au Drucker, Telefon, Lampene und meh.

Vieli Firmene schaffed au mit spezialisierte Maschine aller Art, vor Allem ide Induschtrie. Die werded oft wiiterverchauft, wänn mer en Chäufer findet, aber genauso oft sind die Maschine veraltet, längst überholt oder eifach au z tüür. au sind die Maschine oft z schwer, zum sie eifach bewege – vor allem als Privatperson.

Bi ere Firmerüümig mit ois händ sie ei Kontaktperson, ihre Sachbearbeiter. De Sachbearbeiter isch dänn ihri Aasprächstell, dere sie ihri Wünsch und Bedürfnis für ihri Firmerüümig mitteile chönd. Ihre Sachbearbeiter isch dänn die Person, wo für sie alli Hebel in Bewegig setzt, zum ihne en optimale Ablauf und garantierti Zfriedeheit z gwährleischte. S Beschte drah isch aber, dass sie immer mit ere Person reded, wo voll im Bild isch, was ihri Firmenrüümig aagaht – persönlich, diskret und zueverlässig.

Au allfälligi Aktene sowie anderi vertraulichi Datene chönnd nöd eifach nur is Altpapier gworfe werde – da bruuchts zertifizierti Vernichtig. Es dörf nämli unter keine Umständ passiere, dass vertraulichi Datene vode Firma oder sogar vo Chundene eifach so ersichtlich sind. No dezue hät mer binere Bürouuflösig sowieso scho viel umd Ohre – D AG oder GmbH uuflöse, die Aagschtellte informiere, und no meh. Spared sie sich de Stress mit ois! Oisi diskrete und zueverlässige Mitarbeiter hälfed ihne debii, ihri Firmeuuflösig so riibigslos wie möglich über d Bühni z bringe.

Firmenrüümig mit ois

Im Grund sind Firmerüümige oft ähnlich strukturiert; Mer hät Arbeitsplätz, Chundedatene, oft au es Archiv. Oft hören da d Gmeinsamkeite aber au scho uuf, well au da gältet: kei zwei Firmerüümige sind gliich. Es chunnt oft vor, dass viellicht ei Filiale gschlosse und gruumt wird, d Chundedate aber ere andere Filiale übergeh werded. Ebefalls isch es leider au oft so, dass e Firma ganz schlüsse muen, was d Vernichtung vo sensible Datene und e totali Firmerüümig voruussetzt. No dezue sind, grad bi Handwerkerbetrieb, oft au tüüri und schweri Maschine vorhande. Die giltets natürli au z ruume, und entweder wiiterzverchaufe oder wegzwerfe. Mier chönnd sie aber beruhige, well mit ois wird ihri Firmerüümig garantiert so, wie sie sich das wünsched.

Entrümpelig binere Firmeuuflösig

E Entrümpelig im professionelle Bereich chan viel Arbeit bedüüte. Chan, muen aber nöd! Mier besichtiged mit ihne zämme ihri Firma, bespräched im Detail, was entrümplet werde söll, und bliibed bis zude erfolgriiche Uusfüehrig mit ihne i persönlichem Kontakt. So händ sie bi ois jewiils ei Aasprechperson, wo für sie zueständig isch. Uf die Art chömmer ihne en riibigslose Ablauf und e unkomplizierti Kommunikation gwährleischte. Überzüüged sie sich doch sälber!

Entsorge nach de Entrümpelig

Vo Möbel über Elektroschrott bis hii zu vertrauliche Datene – mier entsorged professionell für sie. Wo immer möglich recycled mier, zum oise Biitrag für e süüberi Schwiiz z leischte. Für vertraulichi Datene arbeited mier mit zertifizierte Spezialischte, wo diskret und sicher ihri Datene vernichtet. Sie säged ois eifach, was entsorgt werde söll, und mier kümmered ois um de Rescht.

Lagerplätz und Lagermieti

Mier büüted ihne de Platz, wo sie bruuched. Egal öb Büromöbel, Elektrogrät oder Maschine, mier händ für sie bestimmt en Platz. Sie entscheided, wie lang sie bi ois lagere wännd.

Sälbschtverständlich sind mier au churzfrischtig für sie da! Oises Lager isch guet klimatisiert und video-überwacht, und oisi Lagerflächi isch stets suuber und troche. Bi ois isnd ihri Gägeständ guet iipackt und ide beschte Händ. Mier verchaufed au Packmaterial, inventarisiered für sie und hälfed ihne sogar bim Transport.

Wiiteri Dienschtleischtige:

Huushaltsuuflösig sowie Wohnigsuuflösig
Entrümpelig
Rüümige
Entsorgig
Bürouuflösig
Reinigung
Verschiedeni Lagermöglichkeite, wie Palettelager, Corlettelager und Möbellager
Containerlager sowie Lager vor Ort

Hämmer ihres Interesse gweckt? Mäldet sie sich bi ois, mier berated sie gern individuell.