Wohnigsuuflösig für jede
E Wohnigsuuflösig umfasst ide Regel de Verchauf oder d Abgab vode Wohnig, wie au e Entrümpelig oder en Umzug. Vieli Mänsche entrümpled au en Teil vode Wohnig und ziehnd dänn mitem Rescht um.
Die am beschte erhaltene Möbel werded debii oft verchauft oder a Fremdi wiitergeh. Aber was passiert mit de nöd ganz eso guet erhaltene Möbel? Werded sie gspändet, oder diräkt entsorgt? Und wie söll mer dänn überhaupt binere Wohnigsuuflösig vorgah? Mached sie sich kei Sorge, mier sind für sie da. Oises professionelle und erfahrene Team weiss, wie mer am beschte e Wohnigsuuflösig navigiert, und staht ihne mit Rat und Tat zur Siite.
Die wichtigscht Frag isch normalerwiis, was dänn überhaupt entrümplet werde söll. Viellicht wüssed sie scho ganz genau, was sie gern bhalte wännd, und viellicht müend sie sich no Gedanke mache. Chömed sie uf ois zue, mier begleited sie gern durch die Entscheidige.
Und falls sie grad au gern no e Reinigung mit Abgabegarantie für ihri Wohnig wännd, sind sie bi ois goldrichtig. Bi ois bechömed sie über ei Schnittstell s ganze Paket – Entrümpelig, Lagerig und Reinigung. Ganz nach ihrne Wünsch.
Wohnungsrüümig mit ois
Für ois sind kei zwei Wohnigsrüümige gliich. Allei scho devo abgseh, dass jedi Wohnig anderscht isch, hät natürli au jede Chund anderi Bedürfnis. Viellicht wännd sie nur en Teil vo ihrere Wohnig entrümple, well en Teil vode Bewohner ide Wohnig bliibt? Oder viellicht wännd sie e totali Wohnigsrüümig, bi dere die gsamti Wohnig gleert wird. So oder so, e Wohnigsrüümig chan öppis sehr Schöns und Befreiendes sii. Oises Ziel isch es, ihne d Arbeit abz’neh, sodass sie sich nur no ufs Ändresultat freue chönnd.
Wänn sie mit ois e Wohnigsrüümig oder e Wohnigsuuflösig mached, dänn händ sie bi ois e persönlichi Kontaktperson. Mit dere bespräched sie ihri Wünsch und Ziel für d Wohnigsrüümig, sodass die betreffendi Person dänn alles für sie i’d Wäg leite chan. Da sie eso nur ei Schnittstell händ, müend sie nöd etliche verschiedene Persone immer wieder s Gliiche säge, sondern chönd einfach eimal bi ois aalüte und ihri Wünsch mitteile. Ebefalls reded sie dänn immer mit de Person, wo alli Informatione zu ihrere Wohnigsrüümig hät – eifacher gahts nöd!
Entrümpelig binere Wohnigsuuflösig
De erschti Schritt binere Entrümpelig mit ois isch d Kontaktuufnahm. Rüefed sie ois aa oder schriibed sie ois, mier chönnd ihne alli Fragene beantworte. De nächschti Schritt isch gliichziitig au de Wichtigscht; D Entrümpelig sälber. Oises Team entrümplet ihri Wohnig speditiv und zueverlässig, wobii sie Diskretion voruussetze chönnd. Je nach ihrne Wünsch chönnd mier ihri alte Bsitztümer entsorge oder, im Fall vomene grosse sentimentale oder finanzielle Wert, iilagere.
Entsorge nach de Entrümpelig
Wohnig isch nöd gliich Wohnig. Vode chliine Eineinhalbzimmerwohnig bis zude grosse Eigetumswohnig entrümpled mier alles. Chällerrüüm, Garagene oder gmieteti Hobbyrüüm werded durch ois gliichermasse entrümplet. Debii chunnts nöd ufd Quadratmeter aa, sondern allei uf de Arbeitsuufwand. Näbed Unrat, alte Möbel und suschtigem Inventar händ mier au d Möglichkeit, schwereri Gägeständ z entrümple.
Lagerplätz und Lagermieti
Mier büüted ihne de Platz, wo sie bruuched. Egal, öb sie nur en Schrank oder grad die ganz Wohnig iilagere wännd, bi ois giits immer e Lösig. Sie entscheided, wie lang sie bi ois lagere wännd. Sälbschtverständlich sind mier au churzfrischtig für sie da! Oises Lager isch guet klimatisiert und video-überwacht, und oisi Lagerflächi isch stets suuber und troche. Bi ois sind ihri Gägeständ guet iipackt und ide beschte Händ. Mier verchaufed au Packmaterial, inventarisiered für sie und hälfed ihne sogar bim Transport.
Wiiteri Dienschtleischtige:
- Huushaltsuuflösig
- Entrümpelig
- Rüümig
- Entsorgig
- Firmenuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Händ mier ihres Interesse gweckt? Mälded sie sich bi ois, mier berated sie gern individuell.