Lagered sie, wo es ihne passt!
Container sind e ächt grossi Sach. Sie sind nöd nur sehr gross, sondern au no um einiges schwerer, als sie gross sind. Keis Wunder also, dass sie zimli schwer zum handhabe sind. Natürlich isches da nöd grad eifach, jedes Mal en Container uuszlagere, wänn sie a ihres Lagerguet müend. Sötti d Containermieti trotzdem ihrne Wünsch entspräche, chönnd sie de Container doch eifach zu sich hole!
D Vorteil sind iilüchtend; Sie händ wie usem Nüt e überdachti, sicheri und sogar stapelbari Lagerlösig, diräkt vor ihrem Huus. I ein Container passed au, je nach Grössi, 17 bis 33 Kubikmeter Lagerguet. Zum sich das vorschtelle chöne: 17 Kubikmeter sind öppe 20 Mal so gross wie en normale Whirlpool für vier Mänsche.
Sie chönnd also sogar i oisne chlinschte Container no zimli viel iilagere!
Lagered sie, wo es ihne passt!
Container beschtäched au dur ihri Eigeheit, oft nöd inere Wohnig oder imene Huus iigstellt z werde, sondern ehner imene Innehof oder uf eme Garte. Sie mieted also zuesätzlichi Flächi, statt die Flächi, wo sie bereits händ, wiiter z beaaspruche. So sind sie au nöd a Öffnigsziite bunde, well uf ihrem Grundstück säged ja sie, was lauft. De einzig Nachteil? Sie müend scho gnueg Platz haa, zum de Container überhaupt uufzstelle. Defür spared sie aber jede Tag Gäld, well d Containermieti vor Ort natürlich billiger isch wie i oisem Lagerhuus. Und da mer oisi Container per Schloss abschliesse chan, isch ihres Lagerguet sicher.
Chüehlcontainer vor Ort
Für Usseveraaschtaltige, Grossevents und anderi Aaläss vermieted mier Chüehlcontainer. Die büüted sich bsunders guet defür aa, grossi Mengene a Nahrigsmittel oder sogar Medizin chüehl z halte. D Ussemass vomene Chüehlcontainer entspreched dene vomene Standartcontainer, d Innemass sind allerdings us technische Gründ uf 27m³ beschränkt. Das entspricht ere Längi vo 5.40 Meter, ere Breiti vo 2.30 Meter und ere Höhi vo 2.18 Meter.
Chüehlcontainer verfüeged über es Chüehlaggregat, wo de Container gliichmässig chüehlt, sowie über en Streifevorhang. Durch die Rampe vom Container laht sich de einfach belade, und dank de Belüüchtig im Container gseht mer au spat abigs no, was wo isch. Für de Fall vo de Fäll verfüeged die Chüehlcontainer au über en Notöffner – wo so selte bruucht wird, dass mer ihn gern vergisst. Mier chönnd im Container Temperature zwüsched 30 Grad Celsius und -30 Grad Celsius sicherschtelle, ufs Grad genau uf ihri Bedürfnis aapasst. Es bestaht sogar e sofortigi Umschaltig zwüschen Chüehl- und Tüüfchüehlbetrieb!
Die Container sind usschliesslich bi ihne vor Ort z lagere, well mier ufgrund vo gsetzliche Bestimmige z chüehlendi Güeter vo Drittpersone nöd i oisem Lager iilagere dörfed.
Lagere bi ois? Lagered sie doch bi sich!
Sie wännd en Lagerruum für ihres Eigetum, aber wännd nöd die ganz Ziit dete ane fahre müesse? Oder sie wännd sälber chöne es Aug druuf werfe? Lagered sie doch mit ois bi sich!
S Wichtigschte ide Chürzi
- Oisi Container sind mit ihrne 2.35 Meter ide Breiti, 6 Meter ide Längi und 2.39 Meter ide Höhi guet 33 Kubikmeter gross.
- Sälbschtverständlich händ mier au chlineri Container, ab 17 Kubikmeter Volume!
- Oisi Container giits au als Chüehlcontainer, für sensibleri Lagerwar - natürli ebefalls vor Ort.
- Weder Tier no Umwältiiflüss chönnd de Inhalt vomene Container beschädige, sobald mer en mal gschlosse händ.
- Mier berächned d Mieti uf de Tag genau, dass sie nöd meh zahled als nötig!
Und falls sie nonig wüssed, öb sie bi sich oder bi ois lagere wännd, lüüted sie ruhig aa – mier berated sie gern!
Wiiteri Dienschtleischtige:
- Huushaltsuuflösig sowie Wohnigsuuflösig
- Entrümpelig
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager
Hämmer ihres Interesse gweckt? Mäldet sie sich bi ois, mier berated sie gern individuell.