Möbellager z'vermiete!
Bimene Möbellager isches sehr wichtig, dass alli Umständ stimmed. D Lagerflächi söll troche und gnueg warm sii, d Möbel sölled guet bewacht sii, und natürlich bruuched d Möbel au en gwüsse Platz. Grad bi antike Möbel oder anderne Lieblingsmöbel chans sehr beruhigend sii, die eigene Möbel in Sicherheit z wüsse. Da chömed oisi Lagermöglichkeite is Spiel!
Mier chönnd chliini Möbel natürlich uf Palettene iilagere und mit Schrumpffolie schütze, nur isch da de Platz ehner begränzt. Mier büüted ebefalls Corlettene aa, uf dene mer au grösseri Möbelstück iilagere chan. Wichtig für sie: egal öb Corlette oder Palette, ihri Möbel sind sicher vor Staub und Umwältiiflüss.
Mier büüted natürlich au Container i verschiedene Grössene aa. Falls sie also grad mehreri Möbel iilagere wännd, chönnti au die Variante in Frag cho. Alli oise Lagermöglichkeite sind gliich sicher, und uf unbegränzti Ziit mietbar. Sie chönnd au nach Lageraafang sehr gern verbiicho, zum ihri Möbel aazluege, uuszlagere oder sogar neui dezuezlagere. Wänn sie sich nonig sicher sind, weli Lösig ihne am meiste zueseit, lüüted sie ruhig ungeniert aa, mier berated sie gern individuell!
Corlette und Palette als Möbellager
Uf oisne Corlettene derfed sie guet 500 Kilogramm oder 6 Kubikmeter a Lagerguet iinlagere – perfekt für Möbel! Oisi Lagerlösig uf Rolle isch tatsächlich bi oisne Chunde die beliebtischti Lagerlösig für Möbellager; sowohl einzelni Möbel wie au mehreri zämmeghörendi Möbel. Im Zwiifelsfall chönnd sie immer no meh Corlettene miete, dänn mier beschränked sie weder ide Aazahl Corlettene, no im Lagervolume.
Da sie siitlich vergittered sind und es gwüsses Füllvolume händ, werded Corlettene grad im Möbellager sehr gern iigsetzt. Es isch würklich so eifach; mier laded s Lagerguet für sie uuf, verschweissed d Corlettene entlang vom Metallrahme dänn, zum Staub und anderne Umweltiinflüss vorzbüüge, und beschrifted d Corlettene mit Ihrem Name, em Iigangsdatum und em Lagerguet. Probiered Sie es doch sälber uus, und lagern Sie auf Ihrer eigenen Corlette!
Einzelni, chlineri Möbelstück chönnd mier natürlich au uf Paletten iilagere. Die träged bis zu 500 Kilogramm Gwicht, händ aber natürlich anderi Masse wie e Corlette. So oder so – mier sind ihres Möbellager für alli Fäll.
S Wichtigschte ide Chürzi
- Oisi Palettene händ d Standartmasse vo 80 Zentimeter uf 120 Zentimeter, mit ere maximale Lagerhöhi vo 160 Zentimeter - gnueg für chliini Möbelstück!
- Oisi Corlettene händ d Standartmasse vo 120 Zentimeter uf 250 Zentimeter, mit ere Höhi vo 2 Meter. Dadruuf händ au grösseri Möbel bequem Platz!
- Mier begränzed sie weder im Volume, wo sie ufs Mal iilagere chönnd, no ide Mietlängi. Sie allei bestimmed, wie lang sie bi ois lagere wännd.
- Sie chönnd ois ihri Möbel verbiibringe, oder mier chömed verbii und holeds für sie. Was immer ihne lieber isch!
- Ihri Möbel werded sicher vode Witterig und anderne Umwältiiflüss glageret. Oisi Lagerhalle isch sogar video-überwacht!
Und falls sie nöd sicher sind, wieviel Lagerflächi sie bruuched, melded sie sich eifach! Mier hälfed ihned gern debii, ihres Volume z berächne.
Möbellager bi ois!
Sie liebed ihri Möbel, aber wännd meh Platz? Oder bruuched sie eifach e temporäri Lagerlösig? Dänn sind sie bi ois genau richtig!
Wiiteri Dienschtleischtige:
- Huushaltsuuflösig sowie Wohnigsuuflösig
- Entrümpelig
- Rüümige
- Entsorgig
- Firmeuuflösig sowie Bürouuflösig
- Reinigung
- Verschiedeni Lagermöglichkeite, wie Palettelager, Corlettelager und Möbellager
- Containerlager sowie Lager vor Ort
Hämmer ihres Interesse gweckt? Mäldet sie sich bi ois, mier berated sie gern individuell.